LIGJET E BIZNESIT
Sot kryetari i Partisë Demokratike Lulzim Basha ka dalë në një konferencë për mediat.
Ai ka folur në lidhje me krizën e energjisë elektrike dhe situatën në të cilën ndodhet vendi aktualisht.
Lideri i opozitës ndër të tjera i është përgjigjur dhe interesit të gazetarëve për deklaratën që bëri kryeministri Edi Rama për taksat dhe uljen e TVSH.
Osman Stafa: Kryeministri Edi Rama ka deklaruar se ulja e TVSH-së për energjinë nuk përkthehet në ulje të çmimit të energjisë për konsumatorët, sa qëndron ky pohim dhe a keni ju një strategji për t’i dalë në mbrojtje konsumatori, kur edhe plani me shtatë pika që keni propozuar ju është cilësuar si planet e Sudes?
Lulzim Basha: Sudja është ajo që merrte lekët, kështu? Dhe i mbante për vete ose paguante disa që bënin të mundur ekzistencën e saj, apo s’e mbani mend se jeni shumë të rinj. Sudja u merrte lekët njerëzve dhe i mbante për vete. Sudja ka prerë flokët dhe ka lënë mjekërr e është bërë Edi Rama. Janë i njëjti fenomen, vetëm se ja një ndryshim. Sudja ishte analfabet e hajdute ordinere që u bë e famshme për skemën me të cilën vidhte paratë, kurse ky është kryeministri i Shqipërisë. Ky çfarë nuk ka bërë që të rrijë në atë karrige, që të jetë dhe të sillet në këtë mënyrë. Ky tjetri ka tetë vite që kapet me thonj. Ky ka bërë aleancë me krimin, dashni me personat e listës së zezë, dashni politike e kam fjalën. Tani edhe njëherë, Osman dhe kolegët tuaj, kush është Sudja sot? Edi Rama.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
