“Do krijohen dy PD” Mentor Kikia del me parashikimin e papritur për Bashën dhe Berishën

Gazetari Mentor Kikia ka deklaruar i bindur se Kuvendi Kombëtar i Partisë Demokratike do të shkarkojë Lulzim Bashën nga posti i kryetarit.

I ftuar në programin “Të paekspozuarit” Kikia u shpreh se ajo që do të përcaktojë të ardhmen e kësaj partie, është mënyra se si Basha do të sillet pas shkarkimit.

“Jemi duke shkuar drejt një Kuvendi Kombëtar që padyshim do të shkarkojë Bashën. Këtu mbetet për t’u parë nëse do të kthejë mendje apo do të qëndrojë kryetar. Nëse shkohet këtu, ku do kemi një kuvend që shkarkon Bashën, që refuzon ta njohë këtë vendim, kam frikë se kemi shkuar te pika fundore.

Do krijohen dy PD: njëra e Berishës, tjetra e Bashës. Berisha nuk do të jetë në gjendje ta përthithtë partinë e Bashës dhe mund të kemi një opozitë zyrtare dhe një tjetër jo zyrtare.”, tha Kikia.