Shqiptari nuk i bindet urdhrit për të ndaluar, përplas mjetin e policisë, qëllohet në drejtim të tij 

Athina është zgjuar nën panik ditën e sotme. Në kryqëzimin  e rrugëve ‘Aristotelous’ dhe ‘Marnis’, një shqiptar ka refuzuar të ndalojë mjetin, pas thirrjes që policia i bëri për të ndaluar.

Bëhet me dije se ai ka rritur shpejtësinë duke qëlluar dhe makinën e policisë dhe është përpjekur të largohet. Një polic ka qëlluar me armë, duke e plagosur atë.

Në vendngjarje ka arritur menjëherë ambulanca, ndërsa vijon operacioni policor. Nga të dhënat e deritanishme, mësohet se makina e shqiptarit ishte e vjedhur dhe kjo ka qenë dhe arsyeja se pse policia kërkoi që ai të ndalonte. Deri më tani nuk dihet ende identiteti i shqiptarit të plagosur.