“Basha nuk ikën” Analisti i njohur e thotë i bindur: Ja pse nuk e rrëzon dot Berisha

Analisti Ilir Yzeiri ka deklaruar se ish-kryeministri Sali Berisha nuk mund t’ia marrë dot partinë Lulzim Bashës.

Sipas tij, kjo nuk mund të ndodhë pasi ndryshimet që ka bërë Basha në statutin e Partisë Demokratike nuk ia mundësojnë Berishës dhe mbështetësve të tij që në rrugë institucionale ta rrëzojnë.

“Unë besoj se po ka shpëtuar Berisha nuk e rrezikon Lulzim Bashën. Ata që takon Berisha nuk mendoj se përfaqësojnë PD-në. Ata përfaqësojnë një pjesë të PD-së, por jo PD deri në atë masë sa të gjitha forumet e saj të mblidhen kundër Lulzim Bashës. Ndryshimet që ka bërë Basha në statutin e PD-së nuk ia mundësojnë Berishës dhe mbështetësve të tij që në rrugë institucionale të rrëzojnë Lulzim Bashën. Nuk ka asnjë mundësi.

Këshillin Kombëtar nuk e thërret dot Sali Berisha, e thërret Basha dhe di ai se si e thërret. Berisha mund të ketë mbështetjen në bazë, por jo te forumet, forumet i ka baza. Ata që do mbështesin aksionin e Berishës dhe do i kundërvihen Bashës dhe do krijojnë një seksion, menjëherë do shpallen nga SHBA si ai grupim që drejtohet nga njeriu që SHBA e ka shpallur non grata. Basha nuk ikën, është vonë për t’u rrëzuar dhe me ndihmën e Berishës vetëm sa forcohet Basha tani”, tha Yzeiri për “Top Talk”.