Pak më parë një aksident i rëndë automobilistik ka ndodhur në Pogradec.
Sipas policisë, një makinë ka dalë nga rruga ku për pasojë është plagosur drejtuesi dhe dy të rinj.
Drejtuesi i mjetit dhe një prej pasagjereve e moshës 30-vjeç, ndodhen në gjendje të rëndë shëndetësore.
NJOFTIMI ZYRTAR I POLICISE
Pogradec/Informacion paraprak
Më datë 07.10.2021, rreth orës 15:40, në afërsi të fshatit Vërçun, Pogradec, shtetasi K. G., rreth 45 vjeç, banues në fshatin Shqitas, Maliq, duke drejtuar mjetin tip “Ford”, dyshohet se ka humbur kontrollin e mjetit dhe ka dalë nga rruga. Për pasojë janë dëmtuar pasagjerët, shtetasja Xh. H. rreth 30 vjeçe dhe shtetasi M. H., 33 vjeç, banues në fshatin Çaushli, Maliq, si edhe drejtuesi i mjetit shtetasi K. G., të cilët u transportuan në Spital dhe ndodhen nën kujdesin e mjekëve.
Grupi hetimor po punon për sqarimin e rrethanave të ngjarjes.
