LIGJET E BIZNESIT
Ministrja e Shëndetësisë Ogerta Manastirliu u përplas sot në Kuvend me deputetin e Partisë Demokratike Gazment Bardi.
Ata po diskutonin për përqindjen e vaksinimit me një dozë të shqiptarëve.
Manastirliu u shpreh se kjo do të ishte hera e fundit që do të fliste për fatalitetet, duke vijuar më pas me akuzat se opozita po i bën thirrje qytetarëve që të mos vaksinohen. Bardhi nga vendi, u shpreh se të gjitha deklarata e thëna nga Manastirliu ishin gënjeshtra, pasi nuk ka thënë shifrat e sakta të vaksinimit të qytetarëve.
Manastirliu: Flisni dhe përdorni shumë për fatalitetet, është hera e fundit që flas. Se kjo duhet të na bëjë sensibël, kur thuhet nga kjo foltore se vaksinat që vijnë në Shqipëri janë pa certifikuara, është alarmante është turp. Është nxitje ndaj qytetarëve që të mos vaksinohen. është absurde, e frikshme. Meqë thatë se Shqipëria mban vendin e parë kampion, numrin mesatar të fataliteteve, ja ku është Shqipëria. Ka disa të dhëna OBSH që tregon përqindjen e vaksinimit, ajo e ka Shqipërinë me këto nivele, dhe ja ku jemi në ne mesin e vendeve të tjera. Opozita po bën kundrapedalin, këta këtu i thonë shqiptarëve mos u vaksinoni se ky vend nuk ka asgjë.
Bardhi: Ministre ti je mësuar të gënjesh për çdo gjë. Nuk mund të vish këtu të akuzosh opozitën me të pavërteta. Ishe prezent në Komisionin e Opozitës, sapo konfirmove shifrat tona, 28% janë qytetarët që janë vaksinuar me të dyja dozat, jo 36% sa gënjeve ti të gjitha Komisionet parlamentare.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
