LIGJET E BIZNESIT
Në seancën e sotme parlamentare ka patur tensione mes mazhorancës dhe opozitës.
Gjatë fjalimit të tij, kryeministri Edi Rama nuk i kurseu akuzat ndaj kundërshtarëve, duke i cilësuar si mbeturina të komunizmit.
Menjëherë deklarata e Ramës solli irritimin e opozitës ku shumë deputetë kanë ngritur zërin dhe nuk kanë munguar as ofendimet.
Deputeti demokrat Belind Këlliçi i është drejtuar Ramës me fjalën “idiot”, ndërsa kryeministri Rama ka preferuar që të vazhdojë fjalën e tij.
Më tej, Rama nga foltorja e Kuvendit ka akuzuar opozitën se po përsërit të njëjtën gjë prej 8 vitesh dhe kjo sipas tij nuk do t’i shpëtojë nga humbja.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Belind Këllici: Shko ore, idiot! Shko ore s’të vjen zor.
Rama: Konceptet tuaja janë mbeturina të sistemit të vjetër. Unë nuk ofendoj taksën ndërkohë që këtu me respekt dëgjojmë të shara para e mbrapa, që nga të sharat për zonjën atje, e rreth e rrotull, po nuk merrem me ju se jeni në një hall që nuk jua zgjidh njeri. Megjithë taksën e karbonit, nafta është sot më lirë se çishte kur ishit ju. A ka mundës të mbaroj unë, do e bëjmë marrëveshjen që kur njëri flet të tjerët dëgjojnë siç ju dëgjojmë ne ju kur flisni edhe pse nuk thoni asgjë. Se ndryshe unë e kam të thjeshtë, iki e ju le këtu të flisni, por vij për respekt ndaj jush. Kur flasim dëgjojmë, na pëlqen apo jo.
