Kur Joe ishte në universitet në 2010-ën, shoku me të cilin ndante shtëpinë i hapi një adresë Facebook-u në shaka e sipër.
“Ai shtonte njerëz rastësorë si miq në llogarinë time. Mendoja se ishte budallallëk, sepse më bënte mua të dukem si i vetmuar”, thotë Joe.
Një ditë, shoku i tij i dërgoi kërkesë miqësie Beth-it, e cila e pranoi.
“Pashë që Joe ishte nga Devizes në Wiltshire, që ishte vend afër meje, kështu që supozova se e njihja nga ndonjë mbrëmje që kam dalë”.
Ata nuk folën kurrë dhe Beth shpejt harroi gjithçka. Joe nuk e kishte idenë se ajo ishte në listën e miqve të tij deri në prill të 2014-ës, kur ajo e kontaktoi rastësisht.
“Isha duke u organizuar për të takuar një mik dhe ia dërgova mesazhin personit të gabuar. Joe më shkruajti për të më thënë se kisha bërë një gabim.”
Ata filluan një bisedë dhe u përpoqën të kuptonin se nga njiheshin me njëri-tjetrin.
“Asnjëri prej nesh s’e mbante mend tjetrin. Nuk e kemi kuptuar se çfarë ndodhi deri pas disa vitesh”, thotë Joe teksa qesh me historinë.
Edhe pse nuk e dinin se nga njiheshin, ata vazhduan të bisedonin online. Joe thotë se “kishte diçka në sensin e saj të humorit”, kështu që e ftoi për t’u takuar. Disa ditë më vonë ata u takuan në një stacion treni, para se të darkonin.
“Gjithçka dukej kaq e thjeshtë dhe e lehtë mes nesh. Ai dukej vërtet i kujdesshëm”, thotë Beth.
Dyshja u takuan disa herë gjatë ditëve të ardhshme, para se ai t’i tregonte Beth për planet e udhëtimit.
“Unë jam një muzikant dhe kam vendosur të udhëtoj në Cefalonia për verën dhe të luaj muzikë në bare dhe restorante,” i thotë ai teksa shton se “aty mendoi se do ta humbte përgjithmonë”.
Ata folën për mundësitë e bashkimit dhe të nesërmen Beth dërgoi një mesazh për të konfirmuar që ajo donte të vinte. Ajo kishte kursyer disa para, la punën e saj si kuzhiniere e mëngjesit në një hotel dhe ata filluan të bënin planet për të udhëtuar së bashku.
Ndërsa ishin njohur vetëm prej pak ditësh, ky lajm për familjarët e secilit ishte një sfidë.
“Mamaja ime donte ta takonte para se të largoheshim dhe në thelb përfunduam duke i dhënë asaj një intervistë”, thotë Joe duke buzëqeshur.
Ndërsa nëna dhe njerku i Beth ishin relativisht të qetë për këtë, ajo e dinte që babai i saj nuk do të ishte i lumtur. Kështu ajo ia tha të atit se e njihte Joe fillimisht nga puna në hotel, por edhe kur i tha të vërtetën pas ca vitesh, ai e mori me sportivitet, ndoshta sepse tani e njihte mirë Joe-n.
Ata kaluan muajt e ardhshëm duke vizituar Cefalonia, para se të udhëtonin nëpër Evropë. Beth e kujton si një nga periudha më të bukura të jetës së saj. Dyshja u kthye në Wiltshire dhe të dy gjetën një shtëpi për të bashkëjetuar.
Në vitin 2016, ata u kthyen në Cefalonia për pushime, ku Joe i propozoi. Çifti u martua verën tjetër në një fshat të quajtur Rowde. Për muajin e mjaltit, ata udhëtuan 3 muaj nëpër Europë.
Tre vjet më parë, Beth ndryshoi karrierën dhe tani i përgjigjet telefonatave të urgjencës një kompani që ndihmon të moshuarit të qëndrojnë të sigurt në shtëpitë e tyre. Në pamundësi për të kryer muzikë gjatë pandemisë, Joe punon si recepsionist dhe ka një kanal në YouTube kushtuar punimeve të drurit dhe udhëtimit. Ata u transferuan në shtëpinë e tyre të re në Littleton Panell në fillim të vitit, me qenushin, Hans.
Joe beson se gruaja e tij është personi më vetëmohues që ka takuar ndonjëherë.
“Edhe në momentet e saj më të këqija, ajo ende mendon për të tjerët. Puna e saj është e përshtatshme dhe pacientët e duan pafund. Ajo ndriçon ditën e të gjithëve.”
Beth, ndërkohë, e do aftësinë e Joe për të pasur sukses në çdo situatë.
“Asgjë nuk është shumë e vështirë për të. Ai mund të arrijë çdo gjë që mendon dhe nuk më zhgënjen asnjëherë. Ne qeshim së bashku në gjithçka që bëjmë.”/anabel
