E dhimbshme/ Ra në krye të detyrës, familjarë e miq vënë buqeta me lule në vendin ku u vra nënkomisari Saimir Hoxha

Këtë të diel familjarë dhe miq kanë vendosur buqeta me lule në vendin ku u vra në krye të detyrës, nënkomisari i Lezhës Saimir Hoxha.

Lulet janë vënë anës rrugës, në përkujtim të të ndjerit.

Kujtojmë që Saimir Hoxha u ekzekutua me armë zjarri nga 21-vjeçari Aldi Rama.

Ngjarja ndodhi paraditen e 28 shtatorit, afër postbllokut të Vainit në fshatin Ishull-Lezhë.

Nënkomisari Hoxha bashkë me dy oficerë të tjerë ndaluan një automjet ku ishin tre persona për ta kontrolluar, por Aldi Rama nuk pranoi kontrollin dhe sulmoi me armë duke lënë të vdekur 45-vjeçarin.

Më pas gjatë aksionit policor për kapjen e tij autori qëlloi veten me armë zjarri dhe gjeti vdekjen pak orë më pas në Spitalin e Traumës në Tiranë.