Konfuzion me çmimin e abonesë, qytetarët të shqetësuar: Po tregtohet me kosto të ndryshme

Luhatjet e çmimit të abonesë për transportin publik në Tiranë janë pasojë e një vendimmarrje të pashkruar të kompanive, që operojnë për këtë shërbim. Ndryshimi i çmimit në një viti, që nis nga 500 lek, 600, 900, 1100, 1200 dhe 1600,  nuk ka ardhur si marrëveshje mes Bashkisë dhe operatorëve, mirëpo kanë qenë këta të fundit që kanë vendosur për vlerën që do të kishte.

Ndonëse nga 1 tetori aboneja zyrtarisht duhej të shitej me 1600 lekë, ajo sot po tregtohet sërish me çmime të ndryshme. Këtë problematikë, e konfirmojë jo vetëm qytetarët por edhe pikat e licencuara për shpërndarjen e aboneve.

Studentët janë e vetmja kategori që abonenë e përfitojnë me përgjysmim , ndërkohë që për fëmijët mbi 6-vjec, prindërit janë të detyruara t’ua blejnë me kosto të plotë.

Aboneja ka krijuar herë pas here probleme për qytetarët, problematikë e cila arriti kulmin në qershor të këtij viti, kur Bashkia e Tiranës vendosi ta heqë nga qarkullimi, me qëllimin e vetëm, studimin e tregut të transportit publik.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern