LIGJET E BIZNESIT
Pasi Sali Berisha deklaroi sot nga Shkodra se e kishte fotografuar në vitin 2001 Fatos Klosin duke i dhënë një qese të zezë një vëzhguesi., ka reaguar ky i fundit.
Në një prononcim për Gazetën Tema, Klosi tha se kjo është një histori qesharake.
“Sikur nuk ja vlen gjithë kjo rëndësi, është një gënjeshtër e madhe kjo dihet. Berisha e ka zakon që në raste kur është në situatë të rrezikshme merret me mua dhe më ngjesh akuza e ngjarje të tmerrshme. Por kjo është thjesht qesharake. Nuk mund të jem unë shtegu që ai të gjej shpëtimin politik. Sot Saliu ka një problem të madh, madje shumë të madh së bashku me familjen e tij. Do të ishte më e udhës të merret me të,”- tha Klosi
I pyetur dhe nga AbcNews, Klosi tha se gjithë problemi i Berishës është që të gjejë argumente që Partia Socialiste ka blerë vota dhe përmend emrin e tij pasi mbase besohet që institucioni që ai ka drejtuar e ka më të lehtë të shpërndajë para.
“Për mua ka shpifur gjithë jetën. Ja ka fut kot, e ka bërë gjithmonë, edhe para disa muajsh, kjo është hera e parë që e dëgjoj këtë histori, çantën me lekë. Nuk ka gjë me mua, gjithë problemi është që të gjejë argumente që PS ka blerë vota dhe përmend emrin tim që mbase besohet që SHIK-u e ka më kollaj për të ndarë lekë. Janë gënjeshtra. Ai ka dalë në komision parlamentar dhe ka gënjyer nga fillimi në fund. Kjo histori është hera e parë që e dëgjoj, është nga këto të reja,”- shton Klosi.
