Mbërrin në Shqipëri kampioni i botës në peshëngritje Pirro Dhima, pasi nëna e tij u gjet sot e dekompozuar në Himarë.
E moshuara kishte ndërruar jetë prej tre ditësh.
Dhima ka deklaruar se kurrë nuk e ka braktisur nënën, as ai dhe as i vëllai, por sipas tij ka qenë ajo vetë që nuk ka dashur të largohej nga Shqipëria.
Dhima shton se për herë të fundit ka folur me të para katër ditësh dhe se ajo gëzonte shëndet të plotë e se ende nuk e ka të qartë çfarë mund t’i ketë ndodhur. Kampioni është shprehur i shqetësuar për atë ç’ka mund të kenë deklaruar fqinjët në lidhje me këtë ngjarje të rëndë.
“Nuk e braktisëm kurrë. Për herë të fundit fola me të para katër ditësh. Ajo jetonte vetëm pasi nuk pranoi kurrë të vinte me mua në Amerikë. Nëna gëzonte shëndet të plotë dhe nuk dëshironte të braktiste shtëpinë ku kaloi një jetë të tërë. Jam i shqetësuar dhe i prekur për atë se çfarë është deklaruar nga fqinjët për këtë ngjarje të rëndë që ka ndodhur në familjen tonë,”- mësohet se ka thënë Dhima.
