Një ngjarje e rëndë ka ndodhur në Zvicër, ku një 60-vjeçar ka ekzekutuar të dashurën e tij shqiptare, shoqen e saj dhe më pas është vetëvrarë.
Ngjarja ka ndodhur të premten në qytetin e Zyrihut, pasi autori i kishte marrë të dyja vajzat peng.
Motivi i kësaj vrasje ende nuk bëhet i ditur.
E dashura e tij është 34-vjeçe me inicialet I.S., me origjinë nga Kamenica, kurse për shoqen e saj nuk bëhet e ditur asnjë e dhënë.
Kanë qenë fqinjë të zonës që kanë telefonuar policinë pasi kishin vënë re rrëmbimin e dy grave shqiptare.
Një prej dëshmitarëve tregon se një nga ‘pengjet’ kishte dalë në ballkon, por më pas 60-vjeçari u bërtiste në spanjisht.
“Shikoni se çfarë keni bërë,”- mësohet t’u ketë thënë ai.
Blick.ch, shkruan se policia kishte mbërritur në vendgjarje menjëherë pas telefonatës, por pengmarrësi u ka kërkuar oficerëve të qëndrojnë larg.
Mësohet se ai ka treguar se kishte dy gra peng dhe i kërcënoi t’i qëllonte ato nëse policia nuk tërhiqet menjëherë.
Por pas disa orësh pritje, dëgjohen disa të shtëna në apartament. 60-vjeçari kishte vrarë dy vajzat dhe veten.
Ndërkaq, nuk dihen shkaqet që sollën tragjedinë. Informacionet e para tregojnë se mund të behet fjalë për çështje parash ose për xhelozi.
Të dhëna të tjera tregojnë se shoqja e shqiptares ishte ndodhur thjesht në vendin e gabuar dhe se nuk kishte lidhje me ngjarjen.
Të dyja vajzat jetonin bashkë, kurse 60-vjeçari disa lagje larg tyre.
