Sot në orën 16:00 në Parkun Olimpik në Tiranë do të hapet zyrtarisht fushata e Partisë Socialiste për zgjedhjet vendore të 30 qershorit.
Atje do të jenë të pranishëm të 61 kandidatët për kryetar bashkie si dhe kandidatët për këshilltarë bashkiak.
Nga ana tjetër ditën e nesërme do të zhvillohet protesta e opozitës së bashkuar në orën 19:00 përpara godinës së kryeministrisë.
Kryedemokrati Lulzim Basha nëpërmjet një videoje të postuar u ka bërë thirrje qytetarëve t’i bashkohen protestës së nesërme që do të organizohet nga opozita.
“Asnjë hap pas për çlirimin e vendit nga e keqja! Nesër në ora 19:00 të gjithë në shesh!”, shkruan Basha.
