Bashkëpunëtor në grup/ Atentati ndaj “të fortit” të Vlorës, arrestohet 25-vjeçari që do të ekstradohet nga Gjermania

Është arrestuar një 25-vjeçar në Gjermani në lidhje me atentatin e dështuar ndaj Inez Hajrullës si dhe për plagosjen e punonjësit bashkiak Dajo Cenodema, ngjarje kjo e ndodhur në vitin 2019 në Vlorë.

Ai quhet Serxhio Cima, dhe është bashkëpunëtor i grupit të përfshirë në atentat.

Më 10 maj të 2019 shënjestra e autorëve të paidentifikuar ishte pikërisht Inez Hajrulla, person me precedent të theksuar kriminal në Vlorë

Ai shpëtoi, por u plagos rastësisht Cenodema që po pinte kafe në Lungomare me disa miq. Autorët pasi u larguan dogjën automjetin në Babicë të Vogël.

Ekstradohet nga Gjermania drejt Shqipërisë, një 25-vjeçar i shpallur në kërkim ndërkombëtar.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Nga ZQK Interpol Tirana, falë bashkëpunimit me autoritetet ligjzbatuese gjermane, u krye  ekstradimi nga Gjermania drejt vendit tonë, i shtetasit shqiptar S. C., 25 vjeç.

Ky shtetas ishte shpallur në kërkim ndërkombëtar në bazë të vendimit të datës 18.12.2019, të Gjykatës së Rrethit Vlorë, e cila i ka caktuar masën e sigurisë “Arrest në burg” për veprat penale “Vrasja në rrethana cilësuese”, kryer në bashkëpunim, mbetur në tentativë dhe “Armëmbajtja pa leje”.

Më datë 10.05.2019, në lagjen “Uji i Ftohtë”, Vlorë, nga një automjet në lëvizje është qëlluar me armë zjarri në drejtim të një grupi personash që ishin ulur në një nga tavolinat e vendosura në pjesën e jashtme të një lokali në këtë lagje. Më pas, autorët janë larguar dhe kanë djegur automjetin në fshatin Babicë e Vogël.

Nga hetimet e kryera dhe nga bisedat telefonike ka rezultuar se një nga bashkëpunëtorët e grupit të përfshirë në këtë ngjarje ka qenë S. C.