Sipas MeteoAlb, pjesa e parë e ditës do të jetë me kthjellime në bregdet dhe zonat e ulëta, por kthjellime dhe kalime të pakta vranësirash do të ketë në zonat malore. Gjatë orëve të pasdites, vranësirat e lehta do të përfshijnë pjesën më të madhe të vendit, por bregdeti do të vijojë me mot të kthjellët edhe në orët e pasdites.
Temperaturat e ajrit do të ulen në mëngjes, por do të rriten në mesditë duke u luhatur nga 5°C deri në 28°C.
Era do të fryjë mesatarisht me shpejtësinë 28 km/h nga drejtimi Veriperëndimor duke krijuar në brigjet detare dallgëzim 2 ballë.
