Dritan Dajti ka shfaqur sërish probleme shëndetësore dhe mësohet se është transportuar mbrëmjen e kaluar drejt spitalit “Nënë Tereza” në Tiranë.
Ai vuan dënimin me burg në Peqin mirëpo deri në kryeqytet është sjellë nën masa të rrepta sigurie.
Në janar të këtij viti Dritan Dajti rezultoi pozitiv me koronavirus dhe ky i fundit i solli komplikacione shëndetësore. Edhe asokohe ai u transportua në Tiranë.
Një vit më parë po ashtu ai ka shkuar për një vizitë mjekësore në ish-Bllok. Dritan Dajti akuzohet për vrasjen e 4 policëve në vitin 2009 teksa gjyqi ndaj tij vijon e zvarritet prej vitesh.
