Policia shkon të arrestojë Llallën, ja momenti kur mbërrijnë në banesën e tij

Policia ka shkuar të arrestojë në shtëpi Adriatik Llallën, por dyshohet se ai është larguar jashtë shtetit.

Adriatik Llalla do të shkojë në burg, pas vendimi që u mor sot në Gjykatën e Posaçme të Apelit që e shpalli fajtor për fshehje të pasurisë për tre raste dhe e dënoi atë me dy vite burgim.

Adriatik Llalla nuk ishte i pranishëm mbasi sipas avokatit vuan nga probleme shëndetësore dhe po kurohet.

Ish prokurorit të përgjithshëm veç vendimit të fajësisë i ndalohet ushtrimi i funksioneve publike për pesë vitet e ardhshme, ndërsa i janë konfiskuar disa pasuri mes tyre toka dhe një apartament.