“Mos fol për nënën time” Plas sherri në konferencën për shtyp, boksierët godasin me grushta njëri-tjetrin (VIDEO)

Dy boksierë kampionë bote në peshën e mesme janë përleshur mes tyre gjatë një konference për shtyp që kanë zhvilluar në Amerikë.

Ata kanë shtyrë dhe grushtuar njëri-tjetrin gjatë kohës që ishin “ballë për ballë”.

Sportistët po flisnin mes tyre dhe për një moment është Canelo Alvarez që shtyn Plant. Ky i fundit reagon duke e grushtuar rivalin dhe po të njëjtën gjë bën edhe meksikani. Menjëherë kanë ndërhyrë stafet përkatëse dhe forcat e sigurisë për të ndalur dy boksierët.

Sipas Canelo Alvarez 56 fitore, 1 humbje e 2 barazime, ka qenë Plant (21 fitore, 0 humbje) ai që e ka provokuar, duke e fyer nga familja. “Mos fol për nënën time”, ka qenë komenti i meksikanit. Ky incident ka bërë që situata të jetë e tensionuar dhe sfida mes tyre, për unifikimin e titujve kampionë, të jetë e fortë.