Situata nga pandemia/ A do të ketë ndryshim masash? Komiteti i Ekspertëve komunikon vendimin me rëndësi

Gjatë mbledhjes së sotme Komiteti Teknik i Ekspertëve njoftoi se për 2 javët në vazhdim nuk do të ketë ndryshim të masave nga pandemia.

Sipas deklaratës zyrtare, ora policore do të vijojë të nisë nga ora 23:00 deri në orën 06:00. Gjithashtu, lejohet grumbullimi i qytetarëve deri në 50 vetë.

“Nga prezantimet që u pa, situata mbetet relativisht e qëndrueshme. komiteti mendon që të mos ketë ndryshim të masave. Edhe për 2 javë ora policore do të mbetet ajo që kemi rekomanduar. Do të ketë përdorim të masave aty ku kemi rekomanduar,. në qendrat tregtare etj. S’do të ketë grumbullimi i njerëzve më shumë se 50 veta, por në aktivitetet sportive do të realizohen në kapacitete jo më shumë se 30% të këtyre ambienteve. Do të vazhdojë njësoj rregulli i hyrjes së qytetarëve të huaj dhe shqiptarë, do të kërkohet prova e vaksinimit”, tha zv.ministrja e Shëndetësisë Mira Rakacolli, njëkohësisht dhe anëtare e Komitetit.