“Kjo gjë nuk do të ndodhë kurrë” Basha i përgjigjet Berishës pas akuzave që i bëri nga Fieri

Pas akuzave që ish-kryeministri Sali Berisha lëshoi ditën e djeshme nga Fieri në drejtim të Lulzim Bashës, ka ardhur dhe reagimi i liderit të Partisë Demokratike Lulzim Basha.

Ky i fundit foli nga selia blu dhe për thirrjet për mbledhjen e Kuvendit Kombëtar të PD apo referendumit për çështjen Berisha.

Ai deklaroi se nuk do të ketë asnjë Kuvend të partisë për të shqyrtuar vendimet e qeverisë amerikane.

“Për 8 vite Rama më ka akuzuar për kukull të Berishë. Dje Berisha më akuzoi si peng të Ramës. E para është gënjeshtër, e dyta nuk do të ndodh kurrë. PD po ecën para, do t’i prijë betejës për ndryshim që vjen pas largimit të këtij regjimi dhe kthimit të vendit në shinat e demokracisë. Ky është misioni i PD dhe misioni i çdo demokrati dhe do t’i qëndroj deri në fund, deri në arritjen e objektivave. Kuvende të partisë për të marrë në shqyrtim vendimet e qeverisë amerikane nuk ka për të pasur”, deklaroi Basha para mediave.