Askush nuk e vuri re/ Rudina dhe Marku martohen më 1 tetor, por kanë një kusht për të ftuarit në dasëm

Shumë shpejt, aktorja e humorit Rudina Dembacaj do të kurorëzojë dashurinë e saj në martesë me ish-deputetin Mark Frroku.

Ajo do të veshë fustanin e bardhë me 1 tetor dhe kanë shpërndarë ftesat e dasmës.

“Me bekimin e fëmijëve tanë Viktoria, Leonard, Erta dhe Mara dëshirojmë të kurorëzojmë dashurinë tonë përpara Zotit, familjarëve dhe miqve që na gëzojnë jetën!

Ndaj do të ishim të lumtur t’ju kishim në festën tonë të paharrueshme, ditën e premte, 01.10.2021, ora 19:00.

Lutem konfirmimin tuaj sa më herët”, shkruhet në ftesë.

Por një detaj tjetër është edhe kushti që Rudina e Marku kanë vendosur për të ftuarit, të cilët duhet të jenë të vaksinuar ose të tregojnë në hyrje test negativ Covid-19.

“Duke kërkuar mirëkuptimin tuaj, ju duhet të tregoni detyrimisht në hyrje çertifikatën e vaksinimit ose test negativ Covid-19 të 48 orëve të fundit”, shkruhet në ftesë.