LIGJET E BIZNESIT
Ish-deputeti i opozitës Erion Piciri ka marrë së fundmi një vendim që i ka surprizuar të gjithë.
Ai ka hequr dorë nga një shpërblim prej 25 milionë lekësh (të vjetra), që ligji ua jep ish-deputetëve për një periudhë deri 3 vjeçare.
Lajmin e ka dhënë vetë Piciri ku thekson se aktiviteti pranë Kuvendit ishte dhe mbeti vullnetar, duke i lënë buxhetit të shtetit mbi 100 milion lekë të vjetra për ndihmat e tërmetit, biznesit dhe pandemisë.
Në një letër drejtuar Sekretarit të Përgjithshëm të Kuvendit, Piciri kërkon që këto para t’i mbeten buxhetit të shtetit, me shpresën se do përdoren në dobi të njerëzve në nevojë.
“Sot përmbylla marrëdhëniet me Kuvendin e Shqipërisë, me heqjen dorë nga përfitimet financiare prej 25 milion lekësh të vjetra, që ligji ua jep si shpërblim ish-deputetëve për një periudhë deri 3 vjeçare. I gjithë aktiviteti im pranë këtij institucioni ishte dhe mbeti vullnetar, duke i lënë buxhetit të shtetit mbi 100 milion lekë të vjetra për ndihmat e tërmetit, biznesit dhe pandemisë. Nga sot më i lirë, filloj të mendoj për rikthimin në botën universitare dhe angazhimeve të tjera në hapësirën publike”, shkruan ish-deputeti.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Sipas ligjit, të cilit i referohet Piciri, ish-deputetët përfitojnë për 28 muaj 58% të pagës referuese, si dhe një shpërblim në masën e dy pagave.
Kujtojmë se Erion Piciri, ishte i vetmi deputet i Kuvendit të kaluar i cili pranoi mandatin, por jo pagën. Ai vendosi që të gjitha pagat që duhet të merrte, t’i mbante shteti dhe t’i përdorte për pandeminë dhe dëmet e tërmetit.
