Etilda Gjonaj mbyll detyrën si Ministre e Drejtësisë: Bëmë gjithçka mundëm

Etilda Gjonaj ka mbyllur detyrën si Ministre e Drejtësisë për t’i kaluar kështu stafetën Ulsi Manjes. Gjonaj shprehet se do të vijojë të punojë me të njëjtën dëshirë dhe përkushtim edhe në rolin e ri që i caktoi kryeministri Edi Rama në Partinë Socialiste.

Ajo thekson se është e vetëdijshme për mangësitë që pati në katër vite, mirëpo siguron të gjithë se ç’kishte bërë ishte gjithçka që mundi të bënte.

Gjonaj i shpreh mirënjohjen kryeministrit që i besoi detyrën e rëndësishme në një nga periudhat më transformuese dhe domethënëse të sistemit të drejtësisë shqiptare.