U tha se kushton plot 400 mijë euro, ja vlera e vërtetë e makinës “GMC” që ka marrë Rama 

Kryeministri Edi Rama këtë të shtunë në mbledhjen e parë të qeverisë së re shkoi me një mjet të ri tip “GMC”, e cila u vu re menjëherë nga të gjithë, pasi gjatë mandatit të dytë ai përdorte një mjet tip “Lincoln”.

Menjëherë në rrjet qarkulluan fotot e makinës ku u përfol se kjo makinë kushtonte rreth 400 mijë dollarë, me akuzat që ishin të shumta ndaj kryeministrit, pasi mendohej se ky mjet ishte blerë me paratë e buzhetit të shtetit.

Mirëpo në një reagim zyrtar, qeveria deklaroi se një mjet i tillë nuk është blerë nga Rama, por është një makinë e marrë me qira nga Partia Socialiste nga një kompani.

Në reagimin e qeverisë thuhet se që prej ardhjes në pushtet, kryeministri Rama nuk ka blerë asnjëherë makinë, por ka përdorur gjithmonë makinën që ka Partia Socialiste, e cila është marrë me qera ose “leasing”.

Përsa i përket çmimit të makinës që po përdor Rama, neësbomb.al bëri një hulumtim në internet, ku shihet se çmimi i mjetit tip “Yukon XL SLT SUV” që ka marë kryeministri, ka vlerën 74.060 dollarë, dhe jo 400 mijë euro siç është thënë më herët në disa lajme.