Emri/ Humb jetën shqiptari në Itali, po kujdesej për krasitjen e pemëve në një fermë 

Një 42-vjeçar shqiptar ka humbur jetën në mënyrë krejt të papritur në Leçe të Italisë. Viktima Flamur Celtahiri banonte në Taviano, teksa punonte në një fermë private, ku kujdesej për kopshtin, krasitjen e pemëve si dhe mjedisin përreth.

Mediat e shtetit fqinj raportojnë se mëngjesin e sotëm 42-vjeçari u gjet i shtrirë përtokë, pa shenja jete. Ende nuk dihet në qoftë se ai ra nga ndonjë pemë apo mund të ketë pësuar ndonjë goditje kardiake, duke i marrë jetën në vend.

Ai u dëgua në morgun e spitalit, teksa pritet ekspertiza për të përcaktuar shkaqet e vërteta të vdekjes së shqiptarit.