Në Rusi një vajzë 12-vjeçare ka mbetur shtatzëne.
Ajo është shprehur tepër e lumtur për këtë gjë dhe ka deklaruar se babai i fëmijës është vetëm 18 vjeç. Vajza e quajtur Dasha, ka deklaruar se e ka ndërprerë romancën me ish të dashurin e saj, megjithatë shprehet e lumtur që do e rrisë fëmijën me ndihmën e të ëmës.
“U habita kur e mora vesh. Por për habinë time ajo ishte e lumtur. Kështu ne vendosëm që ajo ta mbante fëmijën”, u shpreh nëna e vajzës.
Ndërkohë, vajza 12-vjeçare ka shprehur keqardhje për reagimet negative të njerëzve. Ajo thotë se në vend që të merrte prej tyre komente dhe sa më shumë këshilla, ka pranuar vetëm paragjykime dhe fjalë denigruese.
“Në rrjete sociale kanë shpërthyer fjalë fyese kundrejt meje. Ata më kanë sharë mua, fëmijën që pres dhe familjen time. “Njerëzit thjesht mund të mbështesin dhe japin këshilla, por ata filluan të na fyejnë që në fillim”, u shpreh e mitura.
Sakaq, policia është vendosur në kërkim të 18-vjeçarit pasi ai akuzohet për përdhunim.
