Kryeministri Edi Rama ka mbërritur me një orë vonesë në parlament pas këmbënguljes së opozitës.
Më herët ka patur debate mes opozitës që kërkonte prezencës e kreut të qeverisë dhe mazhorancës në sallë, e cila kërkonte vijimin e punimeve të seancës.
Fillimisht mbledhja nisi në orën 16:00 por u ndërpre disa herë.
Grupi parlamentar i PD-së theksoi se Edi Rama e ka detyrim kushtetues të dëgjojë opozitën për një çështje të rëndësishme siç është programi i ri qeverisës.
Ndërkaq, kryetarja e Parlamentit Lindita Nikolla dhe kreu i grupit parlamentar të PS Taulant Balla, thanë se ligji nuk e kushtëzon kryeministrin të jetë i pranishëm në seancë.
Lindita Nikolla njoftoi se Rama do të mbërrijë në orën 17:00, por ai u pa ne ambientet e Kuvendit ne oren 18:00.
