Ish-kryeministri Sali Berisha zhvillon sot takimin e parë të asaj që e ka cilësuar si luftë për të rikthyer sovranitetin në PD.
Të pranishëm janë disa nga figurat më të rëndësishme të kësaj force politike si: Tritan Shehu, Aldo Bumçi, Bujar Nishani, Klevis Balliu, Julian Deda.
Mbledhja ka nisur në orën 18:00 në hotel “Rogner”.
Kujtojmë se Berisha ka paralajmëruar takime në të gjithë vendin me demokratët, pasi Lulzim Basha e përjashtoi nga grupi i PD-së, gjë e cila nuk u mirëprit nga ish-Kryeministri.
Sali Berisha e akuzon Bashën se ka bërë marrëveshje me Ramën për shkatërrimin e PD-së, ndërsa nuk e ka përjashtuar mundësinë e rikthimit në krye të partisë.
