Shembja e banesave te ‘Selvia’, ish-deputetja sulmon Veliajn: I latë me bukë në gojë

Ish-deputetja e Partisë Demokratike, Jorida Tabaku ka sulmuar kryetarin e Bashkisë Tiranë, Erion Veliaj në lidhje me shembjen e ndërtesave te zona e “Selvisë”.

Në një postim në rrjetet sociale, Tabaku shkruan se banorëve iu shembën shtëpitë pas asnjë paralajmërim dhe me bukën në bojë.

Sipas ish-deputetes demokrate ky veprim i kryebashkiakut, Erion Veliaj me këtë veprim tregon edhe një herë tjetër mungesë respekti ndaj pronës dhe qytetarëve.

“Tek Selvia, në mes të Tiranës, në pikun e qarkulimit të mjeteve dhe njerëzve, në pronën e tyre, në besen e shtetit që i paguan taksat, me buke në gojë, pa u lajmeruar as me gojë as me shkrim. Erion Veliaj u dergon fadromat të mbështetura nga forcat speciale dhe rrënon barbarisht pasurinë e qytetarëve të pambrojtur. Dhuna nuk ka kufij ndaj duhet të bashkohemi përpara padrejtësive përpara se prona dhe shtëpia jonë të jetë pre e dhunës diktatoriale të kësaj qeverie.”-shkruan ajo.