A do të ketë shtyrje të zgjedhjeve siç ka propozuar Presidenti Meta? Ja si përgjigjet Rama, flet dhe për letrën e shtatë për Lulzim Bashën

Në konferencën e sotme me ambasadorin e BE , kryeministri Edi Rama është pyetur edhe në lidhje me faktin se presidenti Meta është shprehur për një ridekretim të datës së zgjedhjeve dhe se a do ta mbështesë mazhoranca një propozim të tillë.

Rama ka pohuar se nuk është dakort për shtyrjen e datës së zgjedhjeve si edhe ka folur në lidhje me letrën e shtatë që mendon ti shkruajë kryeopozitarit Lulzim Basha.

Presidenti në këndvështrimin tim ka shprehur një gadishmëri për tu vënë në dispozicion të një zgjidhje për të ndihmuar partitë politike, më lejoni t’ju përsëris që Partia Socialiste nuk ka asnjë pëlqim për shtyrjen e datës së zgjedhjeve .

Më 30 qershor nuk është çështja se kush do të fitojë zgjedhjet,  por duhet të zgjidhet Shqipëria kushtetuese. Pra në këtë aspekt në raport me presidentin jam se i duhet dhënë Çezarit ajo që e meriton Çezari. Jam i bindur se nuk e keqkupton se ne nuk kemi datë për të negociuar.

Sa i përket letrave thonë që nuk ka 6 pa të 7.  Thonë që  do të ketë edhe një 7, përsa i përket raportit me opozitën unë jam përpjekur për më të mirën.’, tha Rama gjatë fjalës së tij.