Një ditë pasi u bë publik lajmi se Prokuroria e Tiranës po heton 6 ish-deputetë të Partisë Demokratike për veprën penale kundërshtim të punonjësit të policisë, vjen reagimi i të akuzuarve.
Të gjashtë ish-deputetet kanë dalë në një deklaratë për mediat nga selia blu, ku theksojnë se ndryshe nga cfare deklaron akuza, ata kanë qenë të dhunuar.
Ish-deputeti Enkelejd Alibeaj, thote se “Policia na pengoi ne te drejten tone kushtetutuese dhe ligjore per te marre informacion. Interesi yne ishte per te marre informacion per protestuesit e arrestuar e te dhunuar ne menyre te kundraligjshme. Drejtori i Pergjithshem, nendrejtori i pergjithshem, prokurori i ceshtjes ishin te impenjuar jo me detyrat e tyre, por te mbytur nga avujt e alkoolit”.
Ai ka thene se ne zyrat e shtetit u vune perballe agresionit te disa funksionareve te larte te policise te dehur nga alkooli.
“Pamjet tregojne se Drejtori i Pergjithshem i Policise agreson deputetin Strazimiri per t’i marre telefonin me te cilin po filmonte. Nendrejtori i policise vendos doren ne brez per te nxjerre armen. Ne kemi depozituar ne prokurori kallezim penal ndaj cdo personi qe na ka penguar te kryejme detyrat kushtetuese, por prokuroria nuk ka bere asnje veprim per kete kallezim”- tha ai.
Noka
Jemi perballe nje tentative te kercenimit politik te opozites nga pushtetit. Ne si deputet ishim ne kryerje te funksioneve kushtetuese dhe ligjore. Nuk ka ndodhur qe policia te godase apo dhunojne deputete ne krye te detyres. Ky eshte rast i paprecedente. Ne videon e shperndare nga policia dhe prokuroria politike, shikohet qarte qe une largoj punonjesin e policise nga agresioni fizik ndaj deputetit Strazimiri. Deputetet jane te paprekshem.
Hetimi
Hetimi ndaj tyre ka nisur pas protestës së 16 shkurtit 2019, ku janë futur me forcë në ambientet e Drejtorisë së Policisë së Tiranës dhe në videot e bëra publike, duket që shtyjnë punonjësit e Policisë. Burime nga akuza thonë se pamjet e bëra publike tregojnë sesi ish-deputetët, Flamur Noka, Enkelejd Alibeaj, Gent Strazimi, Klevis Balliu, Xhemal Gjunkshi dhe Anton Frrokaj, hyjnë me dhunë në ambientet e Drejtorisë së Policisë. Sipas këtyre pamjeve, thonë burimet, ata veprojnë në mënyrë të dhunshme ndaj efektivëve të Policisë.
Në lidhje me këtë rast, Prokuroria pranë Gjykatës së Shkallës së Parë Tiranë, ka kryer hetime, duke ngritur akuzë për veprën penale të “Kundërshtim i punonjësit të Policisë”, kryer me përdorim të dhunës dhe në bashkëpunim. Kujtojmë se për protestën e 16 shkurtit, në burg është edhe ish-drejtuesi i Policisë Bashkiake, Florenc Hoxha.
Ky i fundit u arrestua së bashku me 15 persona të tjerë, për aktet e dhunës gjatë protestës. Ndërkohë, ish-deputetët e Partisë Demokratike u futën me forcë në ambientet e Drejtorisë së Policisë së Tiranës, ku mbaheshin të shoqëruar protestuesit dhe nisën të përplasen fizikisht me punonjësit e Policisë. E gjithë kjo pamje është filmuar dhe është një nga provat e Prokurorisë për procedimin e nisur ndaj tyre.
