“Prisja emër tjetër” U rikonfirmua në detyrë, Peleshi modest: Nuk jemi të pazëvendësueshëm

Pas rikonfirmimit në detyrë nga kreu i qeverisë Edi Rama, ministri i Mbrojtjes Niko Peleshi foli për herë të parë në media.

Ai tha se nuk është i pazëvendësueshëm, ndaj dhe priste një emër tjetër në këtë post, për të cilin siç thotë ai, nuk do të kishte hatërmbetje.

“Jam shumë i bindur që ajo çka u parashtrua nga kryeministri, mbi nevojën e një rishikimi të gjithë organizatës sonë politike, mendësisë dhe kulturës, edhe pse jemi fitimtarë, është ajo që duhet të na motivojë të gjithëve. Kemi detyrimin të lexojmë mirë edhe votën pro, edhe atë kundër, edhe votën e shqiptarëve, që mbase na panë si alternativën më të mirë, por jo aq të mirë sa do donin të ishim.

Unë kam prej 8 muajsh që shërbej në pozicionin e ministrit të Mbrojtjes, por kur fillon një mandat i ri, fillon një qeveri e re. Ne nuk jemi të pazëvendësueshëm. Kështu që prisja edhe emra të rinj, për të cilët nuk do të kisha hatërmbetje, por do ju uroja më të mirën.

I pyetur për heqjen e Taulant Ballës si Sekretar i Përgjithshëm i PS, Peleshi u shpreh se “Di të them se kam dëgjuar sot vlerësime për punën shumë të mirë të Taulant Ballës. Ai do vazhdojë të jetë kryetar grupi dhe drejtues qarku. Nuk duhet të mërzitemi kur dikush tjetër ec më shpejt se ne”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern