“Duam drejtësi” I biri humbi jetën nën rrënojat e ndërtesës së shembur në Torino, flet babai i 4-vjeçarit shqiptar

Ka shpërthyer në tonë të forta babai i  4-vjeçarit shqiptar që gjeti vdekjen pas shpërthimit të apartamentit ku qëndronte me nënën në Torino.

“Ne duam drejtësi. Erdhëm në Torino për të nisur një jetë të re, e sot kisha një takim për t’u zhvendosur në një shtëpi tjetër, sepse asgjë nuk funksiononte atje. Vazhdimisht nuhasnim erën e gazit”, deklaron ai i prekur.

Mëngjesin e djeshëm, ai qëndronte i dëshpëruar jashtë ndërtesës dykatëshe të shkatërruar nga shpërthimi, e ishte në pritje që zjarrfikësit të nxirrnin Aronin nga rrënojat.

Gjatë ditës, Genci, e familjarët e tij do të vizitojnë në spital të shoqen, Nertilën, që ka pësuar plagë të shumta nga shembja e ndërtesës. Prokurori që po trajton këtë çështje ka treguar për mediat të gjitha skenarët e ngjarjes së dhimbshme.

“Genci ka nuhatur aromën e gazit, por nuk shpërtheu bombola e tyre, por e katit më poshtë”, tha Prokurori.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Një kushëri i çiftit ka treguar më tepër detaje për jetesën e tyre.
“Ata erdhën nga Napoli për në Torino për të nisur një jetë të re. Babai i Aronit punonte në një kompani si punëtorë, dje ishte dita e parë. Për fat të mirë, dy fëmijët e tjerë nuk ishin me ta, pasi tragjedia do të ishte më e madhe”.