Aksident i rëndë në Përrenjas/ Shoferi ndërron jetë në vend, plagoset rëndë pasagjerja

Një aksident i rëndë me pasojë vdekjen ka ndodhur ditën e sotme në Prrenjas. Një 43-vjeçar ka humbur jetën rreth orës 14:10, në fshatin Rrajcë Skënderbe, pas ngjarjes.

Policia bën me dije se shtetasi me inicialet Z.S., 43 vjeç, banues në Përrenjas duke drejtuar mjeti tip “Toyota “, ka humbur kontrollin e mjetit dhe për pasojë drejtuesi  ka humbur jetën.

Nga aksidenti është plagosur 1 pasagjere. Për fat të mirë, ajo ndodhet jashtë rrezikut për jetën.

Grupi hetimor po punon për zbardhjen e shkakut të aksidentit.