Protesta e opozitës/ Zbardhen porositë e Lulzim Bashës për ish-deputetët demokratë

Ka përfunduar takimi i kryetarit të Partisë Demokratike Lulzim Basha me ish-deputetët e kësaj partie, kryesisht me ata që kanë qenë pjesë e Komisionit të Ekonomisë.

Bëhet me dije se në mbledhjen e zhvilluar këtë mëngjes në selinë blu, Basha u ka dhënë ish-deputetëve disa porosi.

Basha u ka kërkuar atyre që të zhvillojnë takime masive në të gjithë bizneset.

Ai i ka porositur ish-deputetët që deri në protesën e së dielës më 2 qershor, ata të kenë zhvilluar takime me të paktën 40 mijë biznese në kryeqytet si dhe t’i ftojnë ata në protestën kombëtare të opozitës së bashkuar.

Mes porosive të kryetarit Basha për  ish-deputetët, do të jetë dhe shpërndarja e fletëpalosjeve në bizneset e vogla, ku përmes të cilit synohet  informimi i qytetarëve për programin që ka Partia Demokratike për bizneset, kryesisht ato familjare.