Grabitja e 6 milionë eurove në Rinas, nis hetimi pasuror për të arrestuarit

Prokuroria e Krimeve të Rënda ka nisur hetimin pasuror për 6 personat e arrestuar si të dyshuar për përfshirjen në grabitjen e ndodhur në aeroportin e Rinasit më 9 prill të këtij viti.

Bëhet me dije se gjashtë personat për të cilët ka filluar hetimi janë:

Renaldo Sulaj

Oltjan Veseli

Saimir Cela

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Rakip Hajdini

Elton Pikli

Alkond Bengasi

Krimet e Rënda kanë siguruar informacion se disa prej të arrestuarve dhe familjarëve të tyre disponojnë automjete, llogari bankare dhe prona të paluajtshme.

Për këtë arsye iu është dërguar nga Prokuroria kërkesë bankave, hipotekës, Drejtorisë së Transportit Rrugor për të verifikuar origjinën e pasurive.

Kujtojmë se në supergrabitjen në barkun e avionit në pistën e aeroportit të Rinasit u vodhën rreth 6 milion euro.

Admir Murataj , i cili konsiderohej si truri i organizimit të grabitjes së parave, mbeti i vrarë gjatë shkëmbimit të zjarrit me policinë.

Policia ka shpallur në kërkim dy vëllezërit Klement dhe Eldi Cala të cilët dyshohen se kanë pasur rol kryesor në grabitje.