Emrat e të plagosurve/ Ishin pelegrinë nga Tepelena, u përplasën ndërsa po bënin xhiro në qytet

Aksidenti në Berat, ku një makinë “Benz” humbi kontrollin dhe përfundoi në një dyqan solli plagosjen e 5 personave.

Ata janë Leonard Rrapi 34-vjeç, Abaz Kaballi 60-vjeç, Astrit Veliu 23-vjeç,Tahir Redhi 30-vjeç dhe Robert Sadikaj.

Të plagosurit janë nga Tepelena dhe sapo ishin kthyer nga pelegrinazhi në Malin e Tomorrit.

Ata kishin bërë një ndalesë brenda në qytetin e Beratit, ku po shëtisnin përgjatë qendrës së qytetit. Të plagosurit janë transportuar drejt Spitalit Rajonal Berat, ku ndodhen në gjendje të rëndë.

Njëri prej të plagosurve,30-vjeçari Leonard Rrapi është transportuar me ambulancë drejt Spitalit të Traumës në Tiranë, ndërsa 4 të plagosurit e tjerë ndodhen në Repartin e Kirurgjisë së Beratit.

Mësohet se edhe drejtuesi i mjetit, 26-vjeçari Ergys Petro, banues në lagjen “Kushtrim” në Berat është plagosur rëndë dhe ndodhet në Spitalin e Beratit, nën mbikëqyrjen e forcave të policisë, sipas BW. Burime të policisë bëjnë me dije se shkak për këtë aksident është bërë shpejtësia me të cilën po udhëtonte drejtuesi i makinës.