Në momentin kur trajneri i kombëtares sonë Edi Reja bëri publike listën e lojtarëve që do të grumbullohen për ndeshjet kundër Islandës dhe Moldavisë, ajo që vunë re të gjithë ishte mungesa e Berat Gjimshitit.
Qendërmbrojtësi kuqezi ka zhvilluar një sezon fantastik tek Atalanta, konsiderohej si një nga pikat më të forta të Kombëtares por mungesa e tij nuk ka të bëj me arsye taktike, Gjimshiti i është nënshtruar një ndërhyrje kirurgjikale dhe nuk do të jetë në dispozicion të teknikut italian në këto dy takime.
“Gjimshiti operohet sot, ai ka luajtur i dëmtuar këto javë se Atalanta kishte mungesa, më vjen keq se Gjimshitin e kam marrë unë tek Atalanta dhe këto dy ndeshje nuk do e kem. Ndërsa Çekiçin unë e kam parë, por duhet të bëjë zgjedhje, pasi kisha 4 lojtarë të tjerë. Por, kjo nuk është lista përfundimtare. Vrioni për shembull do të largohet që sot, pasi ka një dëmtim”.
