“Corriere della Sera” ngre alarmin: Festë e paligjshme me drogë e të rinjve europianë në Shqipëri, në Itali pati të vdekur.
Një numër i konsiderueshëm të rinjsh nga e gjithë Evropa për pesë ditë me radhë kanë qëndruar të grumbulluar në Viterbo, një provincë në periferi të Romës, duke festuar në mënyrë të paligjshme. Autoritetet ndërhynë në këtë organizim pasi grumbullimi ishte masiv teksa përdoreshin hapur droga nga më të ndryshmet.
Mesa duket festa për këta të rinj nuk ka përfunduar me kaq, pasi sipas Corriere della Sera destinacioni i radhës për ta është vendi ynë, Shqipëria.
Pritet që pjesëmarrësit të vijnë në Shqipëri në fillim të muajit shtator. Një nga pjesëmarrësit është shprehur: “Në mesnatë do të kemi adresën e saktë.”
