Afganistani, që ra nën kontrollin e talebanëve pas rënies së kryeqytetit ditën e dielë, ka qenë në qendër të vëmendjes së gjithë botës gjatë gjithë këtyre ditëve. Prej disa ditësh nga Afganistani vijnë pamje prekëse nga pjesë të ndryshme të vendit.
Mirëpo, pamjet më të tmerrshme gjatë këtyre ditëve ishin kur futbollisti afgan vdiq pasi ra nga avioni që po fluturonte sapo ishte nisur nga aeroporti i Kabulit.
Duket se ky moment që preku zemrat e të gjithë botës është kthyer në një mundësi përfitimi për shumë njerëz në Amerikë.
Mediat e huaja shkruajnë se një platformë që shet veshje dhe jo vetëm online në SHBA, tashmë po shet edhe bluza të stampuara me momentin kur afganët ranë nga avioni. Në bluzë shkruhet “KABUL SKYDIVING CLUB EST 2021”.
