Një aksident i rëndë është regjistruar pasditen e sotme në Llogara në sheshpushimin e parashutave.
Mësohet se një automjet me drejtues shtetasin me inicialet A. S, duke parkuar mjetin me indietro, ka dalë nga rruga dhe ka përfunduar në humnerë.
Për pasojë janë dëmtuar lehtë drejtuesi i mjetit dhe pasagjeri, të cilët kanë marrë ndihmë mjekësore.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.
