Rrezikon dënimin me vdekje/ Gjykata e Tiranës refuzon të ekstradojë vrasësin egjiptian

Gjykata e Tiranës ka refuzuar ekstradimin e egjiptianit Mohamed Rageh, i kërkuar nga drejtësia egjiptiane për “vrasje me dashje”.

Në arsyetimin e vendimit, cilësohet fakti se vepra e vrasjes për te cilin akuzohet 50 vjecari në Egjipt dënohet me vdekje.

Gjykata e Tiranës ka kërkuar më herët nga Egjipti që të garantojë se 50-vjeçari nuk do të ekzekutohet, ndërkohë që garancia nuk ka mbërritur.

Rageh ishte shpallur në kërkim ndërkombëtar nga Interpol për vrasje me dashje, tentativë vrasjeje dhe armëmbajtje pa leje, teksa u arrestua në maj të këtij viti në aeroportin “Nënë Tereza” ndërsa po përpiqej të hynte në Shqipëri si turist.