Tension në veri të Kosovës, Serbia bën gati ushtrinë për ndërhyrje

Forca të shumta policie kanë nisur një aksion për arrestimin e disa personave që dyshohet se merren me kontrabandë në zonën e Veriut të Kosovës dhe në Zubin Potok.

Policia është hasur dhe me një rezistencë të armatosur në veri të vendit dhe si pasojë kanë mbetur të plagosur dy policë.

Presidenti i Serbisë, Aleksandar Vuçiç i ka bërë thirrje ushtrisë që të jenë në gatishmëri.

Mediat kosovare bëjnë me dije se janë arrestuar pesë persona dhe zyrtarë policie.

Të arrestuarit akuzohen për veprat penale “Pjesëmarrje ose Organizim i Grupit Kriminal”, në lidhje me veprat tjera penale si; “Kontrabandim me Mallra”, “Keqpërdorim i Pozitës Zyrtare”, “Dhënie e Ryshfetit”, “Tregti e Ndaluar” etj.

Lidhur me këtë aksion ka reaguar edhe kryeministri Ramush Haradinaj, i cili në një deklaratë për mediat, është shprehur se “vetëm po zbatohet ligji”.