Atentat me armë zjarri në Berat/ 6 plumba zbrazen mbi të riun, 24-vjeçari në gjendje të rëndë

Një atentat me armë zjarri është regjistruar mesnatën e mbrëmshme në lagjen “Dëshmorët e Kombit” në Berat.

Si pasojë ka mbetur i plagosur 24-vjeçari Tajar Fetiu. I riu ka qenë duke hyrë në këmbë në rrugicën e shtëpisë së tij, kur një person i ka shkuar me vrap nga prapa dhe i ka qëlluar 6 herë me pistoletë.

Sipas informacioneve nga policia, 2 plumbat e pistoletës e kanë prekur të riun në bark.

I plagosuri Tajar Fetiu është transportuar fillimisht drejt Spitalit Rajonal Berat, por për shkak të gjendjes së tij të rëndë ai është transportuar drejt Spitalit të Traumës në Tiranë.

Ende nuk dihen shkaqet e plagosjes së 24-vjeçarit, ndërkaq policia ka nisur hetimet për identifikimin dhe kapjen e autorit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern