300 afganë mbërrijnë sot në Shqipëri/ Vendosen çadra për strehimin e tyre në Rinas

Kontigjenti i pari i refugjatëve afganë, pritet të mbërrijë pasditen e sotme në Rinas në orën 17:00.

Ata do të vendosen fillimisht në Rinas ku do ti nënshtrohen edhe kontrolleve mjekësorë dhe më pas do të dërgohen drejt Qytetit Studenti dhe në bazën ushtarake në Durrës.

Në Rinas janë vendosur çadra për strehimin e tyre, ndërsa më herët ishte edhe ministrja Olta Xhaçka për inspektim.

Afganët do të qëndrojnë në vendin tonë përkohësisht si pjesë e angazhimit të qeverisë shqiptare për të përmbushur një kërkesë të aleatëve amerikanë. Më pas ata do të largohen më pas drejt Shteteve të Bashkuara të Amerikës.