Trupi i pajetë në mes të rrugës/ Aksidenti në Tiranë, gruaja u përplas nga dy makina njëra pas tjetrës

Një aksident me pasojë vdekjen e një gruaje ka ndodhur mbrëmjen e sotme në Mistomame, Tiranë.

Gruaja po lëvizte në këmbë, kur është përplasur për vdekje nga dy automjete njëri pas tjetrit.

Shkak i aksidentit të rëndë dyshohet se është bërë shpejtësia me të cilën lëviznin dy automjete.

Shqiptarja.com shkruan se fillimisht gruaja, identiteti i të cilës nuk bëhet me dije, është përplasur nga një makinë dhe më pas është shtypur dhe nga automjeti tjetër që vinte më mbrapa, pasi nuk mundi të frenonte.

Sikurse mund të shihet edhe nga pamjet e rënda, trupi vijon të jetë në rrugë, ndërsa bëhet me dije se ambulanca ka mbetur në trafik.

Ndërsa policia ka vënë në pranga dy shoferët e automjeteve që shkaktuan aksidentin.

Tiranë/Informacion paraprak

Më datë 17.08.2021, rreth orës 21:00, në “Misto Mame”, dyshohet se janë përfshirë në aksident rrugor mjeti me drejtues I. H., 39 vjeç dhe mjeti me drejtuese shtetasen B. G., 32 vjeçe. Si pasojë ka humbur jetën një shtetase këmbësore ende e paidentifikuar, rreth 50 vjeçe.

Grupi hetimor punon për sqarimin e rrethanave të aksidentit.