Plagosja e 27-vjeçarit në Ksamil/ Gjykata merr vendimin për autorin dhe italianin që fshehu armën

Gjykata e Shkallës së Parë Sarandë, ka caktuar sot masën e sigurisë “ Arrest me burg” për 28-vjeçarin Edisaon Vyzaj, i cili plagosi me armë zjarri shtetasin 27-vjeçar Taulant Beqiri, në dhomën e një hoteli në Ksamil.

Gjithashtu “Arrest me burg” gjykata ka caktuar edhe për shtetasin italian Makaëitage Perera 24 vjeç, i cili fshehu armën e krimit.

Ndërkohë për 27-vjeçarin, Taulant Beqiri që mbeti i plagosur është dhënë masa e sigurisë “Arrest shtëpie”.

Gjatë seancës gjyqësore personat e ndaluar kanë dëshmuar se ngjarja ka ndodhur aksidentalisht.