Kosova merr vendimin: Nga nesër ja çfarë lejohet për personat nën 18 vjeç

Ministria e Shëndetësisë në Kosovë ka njoftuar se ka aprovuar rekomandimin nga trupa profesionale kompetente, “Komiteti për imunizim kundër COVID-19”, për vaksinimin e fëmijëve mbi moshën 12-vjeçare.

Dicka e tillë është bërë e ditur nga vetë institucioni në një komunikate për mediat, duke njoftuar më tej se do vaksinohen edhe fëmijët 12-vjeçarë bazuar në indikacionet shëndetësore me vaksinën Pfizer.

“Duke marrë parasysh që vaksina Pfizer BioN/Tech është aprovuar nga FDA dhe EMA për vaksinimin e moshave mbi 12 vjeç, plotësimi i planit përfshin: Vaksinimin e personave mbi 16 vjeç me vaksinën Pfizer dhe vaksinimin e grup moshës 12-15 vjeç me prioritet dhe sipas indikacioneve shëndetësore”, thuhet në njoftim.

Një vendim i tillë vjen pas rritjes së numrit të të infektuarve të grupmoshave të reja.

Sipas raportit të IKSHPK’, vetëm në 24 orët e fundit, 14 fëmijë deri në moshën 9-vjeçare janë infektuar me Covid-19.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern