Dy fëmijë shqiptarë rezultojnë të zhdukur prej 7 muajsh në Gjermani.
Bëhet fjalë për dy fëmijët Kristian Toska dhe Amantia Toska, përkatësisht të moshës 11 dhe 10 vjeç.
Fëmijët kishin prindër emigrantë në Gjermani, ndërsa e ëma që ka bërë dhe denoncimin dyshon se ata janë rrëmbyer nga babai i tyre i cili sipas saj i mban të fshehur në Spanjë.
Nga ana tjetër policia gjermane ka kontaktuar autoritetet spanjolle duke kërkuar bashkëpunimin e tyre, pasi një nga pistat e hapura të hetimit të tyre tregon se babai i dy fëmijëve mund të ketë udhëtuar në Tenerife bashkë me fëmijët dhe po mundohet të fshihet në ishull.
